चैत्र ११ देखि चैत्र १७ गतेसम्मको साप्ताहिक राशिफल: यी ५ राशिलाई शुभ साता, अनायासै आइपर्नेछन् समस्या

मेष (चु, चे, चो, ला, लि, लु, ले, लो, अ)
यो साता परीक्षा आदि प्रतिस्पर्धामा उत्तीर्ण हुन सकिनेछ । प्रणय प्रसङ्गका लागि श्रेष्ठ समय रहेको । रोकिएको काम दोहोर्याएर प्रयत्न गर्दा सफलता मिल्नेछ । साताको अन्त्यमा व्यस्तता बढ्नुका साथै स्वास्थ्य प्रति सजगता अपनाउनु होला । संक्रमण र अन्य रोगबाट बच्न साबुन पानीले राम्ररी हात धुनुहोला ।

वृष (इ, उ, ए, ओ, वा, वि, वु, वे, वो)
यो साता भाग्य शक्ति कमजोर भएको अनुभूति हुनेछ । सवारी साधन प्रयोग गर्दा विशेष सावधानी अपनाउनु होला । मनमा दुबिधा उत्पन्न हुने र मानसिक चिन्ता बढ्नेछ । नाक तथा घाँटीमा समस्या आउन सक्छ । मंगलबारबाट सफल यात्राको योग देखिन्छ । चिताएको कामले तीव्रता लिनेछ ।

मिथुन (का, कि, कु, घ, ङ, छ, के, को, हा)
यो साता अधुरो काम पूरा हुनेछ । महिला वा मित्रबाट विशेष सहयोग मिल्नेछ । प्रेम जीवन सबल र सफल हुनुका साथै आम्दानीका नयाँ स्रोत बढ्नेछन् । कुनै न कुनै कुराले मनमा शान्ति छाउनेछ । मान सम्मान र पद प्रतिष्ठामा वृद्धि होला । मनोरञ्जनमा सहभागिता भइएला ।

कर्कट (हि, हु, हे, हो, डा, डि, डु, डे, डो)
यो साता नजिकको मित्रसँग भेटघाट हुनेछ । रमाइलो यात्रा गर्ने अवसर प्राप्त हुनेछ । पढाईमा सहजता मिल्नेछ । परीक्षा र प्रतिस्पर्धामा सफलता मिल्नेछ । सांस्कृतिक कार्यमा सरिक भइने छ । सामाजिक तथा धार्मिक कार्यमा रुचि बढ्नेछ । साताको मध्यमा सरकारी निकायको भय रहला । नियमित खर्चसमेत बढ्ने योग छ ।

सिंह (मा, मि, मु, मे, मो, टा, टि, टु, टे)
यो साता सामान्य नै रहनेछ । धर्म कर्म तथा समाजसेवामा मन लाग्नेछ । प्रेम र मित्रताको बन्धन कसिने बेला छ । ठीक समयमा सही निर्णय लिन सकिनेछ । सेयरको कारोबारमा फाइदा पनि हुनसक्छ । साताको अन्त्यमा अनावश्यक ठाउँमा धन खर्च होला । खानपान र स्वास्थ्यप्रति सजग रहनु होला ।

कन्या (टो, पा, पि, पु, ष, ण, ठ, पे, पो)
यो साता अधिकार प्राप्तिका लागि संघर्ष गर्नु पर्ला । आत्मबल बढाएर काम गरेमा असफल भइँदैन । यात्रा कष्टकर हुनसक्छ सचेत रहनु पर्छ । स्वास्थ्यमा समस्या हुन सक्छ, त्यसैले संक्रमणबाट आफू पनि बच्ने र अरूलाई पनि बचाउन सहयोग गर्नु होला । बुधवारबाट साथी भाइको भेटघाटले मन प्रफुल्ल रहला ।

तुला (रा, रि, रु, रे, रो, ता, ति, तु, ते)
यो साता शुभ कार्यमा सरिक भइनेछ । आफूलाई मन लागेको कुरा खरिद गर्न सकिन्छ । शिक्षामा सफलता मिल्नेछ । वैदेशिक क्षेत्रको काम अघि बढ्नेछ । धनार्जनका नयाँ स्रोतहरू पत्ता लाग्नेछन् । मनोरञ्जनमा सहभागिता भइएला । प्यारो साथीसँग र आफन्तसँग समय बित्नेछ ।

वृश्चिक (तो, ना, नि, नु, ने, नो, या, यि, यु)
यो सप्ताहमा रमणीय र सुखद् यात्राको योग छ । व्यवसायको सन्दर्भमा आदर्श व्यक्तित्व सँगको सहकार्यले नयाँ अनुभव मिल्नेछ । नयाँ कार्यको अवसर मिल्नेछ । अभिभावकको आशीर्वादले बढी काम गर्नसक्छ । सामाजिक क्षेत्रमा गतिलो समर्थन र सफलता पाइनेछ । पुँजी बजारले पनि साथ दिनेछ ।

धनु (ये, यो, भा, भि, भु, धा, फा, ढा, भे)
तो साता आँटेको र ताकेको कार्यमा ढिलाई भएपनि पुरा नै होला । धनार्जनका नयाँ स्रोतहरू पत्ता लाग्नेछन् । काम देखाएर अरूको मन लोभ्याउन सकिनेछ । प्रेम सम्बन्धको कोपिला फक्रनेछ । साताको उत्तरार्धबाट आर्थिक कारोबारमा मन्दी आउनेछ । स्वास्थ्य प्रति सजग रहनु होला ।

मकर (भो,जा,जि,जु,जे,जो,ख,खि,खु,खे,खो,गा,गि)
साताको सुरुका दिनमा पुराना रोगले दुख दिन सक्छ । केही अप्ठ्यारा परिस्थितिको सामना गर्नुपर्ला । अधिकार प्राप्तिका लागि संघर्ष गर्नु पर्ला । सोमबारबाट शुभकार्यको चर्चा चल्नेछ । परोपकारजन्य कार्यमा लगाव बढ्ने र लोकप्रियताको अवसर प्राप्त हुनेछ । अधुरा कामहरू पनि बन्ने योग छ ।

कुम्भ (गु, गे, गो, सा, सि, सु, से, सो, दा)
यो साता लामो समयदेखि रोकिएका अधुरा कामहरू पुरा हुनसक्छ । एकपछि अर्को अवसर आउनाले मन प्रसन्न रहनेछ । साथी भाइसँग समय बित्नेछ । धार्मिक, सामाजिक र अरुको हित हुने काममा समय व्यतीत हुनसक्छ । व्यावसायिक काममा राम्रै फड्को मार्न सकिनेछ । मित्र र विशिष्ट व्यक्तिको सहयोग पाइनेछ ।

मीन (दि, दु, थ, झ, ञ, दे, दो, चा, चि)
यो सातामा चिताएको कामले तीव्रता लिनेछ । मनमा उत्साहका साथै बोली बिक्ने समय छ । अध्ययनमा रुचि जाग्नुका साथै सफल यात्राका योग छ । आफन्त र साथीभाइबाट सहयोग तथा हौसला प्राप्त हुनेछ, तर नियमित खर्च समेत बढ्ने योग छ, सचेत रहनु होला ।

यो खबर पढेर तपाईलाई कस्तो महसुस भयो ?
Array
Like Reaction
Like Reaction
Like Reaction
Like Reaction
Like Reaction

Discussion about this post

छुटाउनु भयो कि ?

Related Posts

लोकप्रिय
ताजा अपडेट
Verified by MonsterInsights