चैत्र ०४ देखि १० गतेसम्मको साप्ताहिक राशिफल: दशा बन्न सक्छ यी ३ राशिको लागि साता

मेष (चु, चे, चो, ला, लि, लु, ले, लो, अ)
यो साता अरुलाई प्रभावित पारेर काम बन्नेछ । धार्मिक, सांस्कृतिक सभा समारोहमा सरिक हुने सम्भावना छ । व्यावसायिक काममा राम्रै फड्को मार्न सकिनेछ । परीक्षा आदि प्रतिस्पर्धामा उत्तीर्ण हुन सकिनेछ, तर नियमित खर्च समेत बढ्ने योग छ ।

वृष (इ, उ, ए, ओ, वा, वि, वु, वे, वो)
यो साता धर्म कर्म तथा समाजसेवामा मन लाग्नेछ । ढिलै भएपनि अधुरा काम सम्पन्न हुनेछ । इष्टमित्रसित भेटघाट गर्ने अवसर जुट्नेछ । लामो समयदेखिका बाधाहरू स्वतः फुकुवा हुनेछन् । मनमा उमङ्ग र उत्साह छाउनेछ । वैदेशिक क्षेत्रबाट सफलता मिल्नेछ ।

मिथुन (का, कि, कु, घ, ङ, छ, के, को, हा)
यो साता अनावश्यक काममा धन लगानी गर्नु पर्नेछ । झन्झटिलो काममा संलग्न हुनुपर्ने र आर्थिक नोक्सानी होला । मानसिक चिन्ता पनि बढ्नेछ । सोमबार बाट भने लाभदायक र खुसीको यात्रा हुनेछ । अतिथिका रूपमा सम्मान पाइनेछ । साताको अन्त्यमा घरायसी कामधन्दाका लागि खट्नु पर्नेछ । झन्झटिलो कार्यमा समय खेरा जान सक्छ ।

कर्कट (हि, हु, हे, हो, डा, डि, डु, डे, डो)
यो साता एकपछि अर्को अवसर आउनाले मन प्रसन्न रहनेछ । वाहन लाभको योग छ । भौतिक सुखमा बढोत्तरी हुनेछ । प्राविधिक र स्वास्थ्य विषयमा सफल हुन सकिनेछ । मध्य सातामा नजिकका व्यक्तिबाट कार्यमा बाधा आउनेछ । स्वास्थ्य प्रति सजगता पनि अपनाउनु पर्नेछ ।

सिंह (मा, मि, मु, मे, मो, टा, टि, टु, टे)
यो साता रोकिएका काम पुनः सुरु हुन सक्छन् । मित्र जनको साथ सहयोगले उल्लेख्य कार्य सम्पादन हुने र मन प्रसन्न रहनेछ । महत्त्वपूर्ण कामको थालनी हुनेछ । धर्म कर्म, परोपकार, समाजसेवा जस्ता कार्यमा मन लाग्नेछ । वैदेशिक कार्यबाट लाभ र सफलता मिल्नेछ ।

कन्या (टो, पा, पि, पु, ष, ण, ठ, पे, पो)
यो साता धार्मिक, सांस्कृतिक र शुभ कार्यमा सरिक हुने सम्भावना छ । विज्ञानको ज्ञानमा वृद्धि हुनेछ । काम देखाएर अरूको मन लोभ्याउन सकिनेछ । आफन्त सँग रमणीय र सुखद् यात्राको योग छ । मध्य सातामा स्वास्थ्यमा समस्या बढ्न सक्नेछ ।

तुला (रा, रि, रु, रे, रो, ता, ति, तु, ते)
साताको सुरुवाती दिनमा आफ्नो कमजोरीको फाइदा अरूले उठाउन सक्छन् । नियमित खर्चसमेत बढ्ने योग छ र शिक्षामा वाधा आउनेछ । मङ्गलबारबाट रमाइलो यात्राको योग रहेको छ । काम देखाएर अरूको मन लोभ्याउन सकिनेछ । भक्ति र आस्था पनि बढ्नेछ ।

वृश्चिक (तो, ना, नि, नु, ने, नो, या, यि, यु)
यो साता रोकिएका काम पूरा हुन सक्छ । प्रतिष्ठा र पुरस्कार प्राप्त हुन सक्छ । अधुरा कामहरू पुरा हुनसक्छ । मनमा हर्ष, उमङ्ग र उत्साह छाउनेछ । राजनैतिक र सामाजिक प्रतिष्ठा कायम राख्न लगानी गर्ने समय आएको छ । बन्धुबान्धव र दाजुभाइको सहयोग लिन सकिने छ ।

धनु (ये, यो, भा, भि, भु, धा, फा, ढा, भे)
यो साता घरमा अतिथिको आगमन हुनेछ । सामूहिक तथा रमाइलो सफल यात्रा हुनेछ । चलाखी पूर्ण बोलीले कार्य सम्पादन हुनसक्छ । बुद्धिको उपयोग गर्नाले जटिल ठानिएको काम समेत सम्पादन हुन सक्छ । रोकिएको धन हाता पर्न सक्छ र सुखद् यात्राको योग पनि छ ।

मकर (भो,जा,जि,जु,जे,जो,ख,खि,खु,खे,खो,गा,गि)
यो साता नयाँ र शुभकार्यको चर्चा चल्नेछ । काम देखाएर अरूको मन लोभ्याउन सकिनेछ । अध्ययन अध्यापनमा सफलता मिल्नेछ । नयाँ उद्योग वा रचनात्मक काममा जुट्ने समय छ । सामाजिक र राजनैतिक कार्यमा सफलता मिल्नेछ । साताको अन्त्यमा ताके अनुरूप काम नबन्नाले दिक्क लाग्नेछ ।

कुम्भ (गु, गे, गो, सा, सि, सु, से, सो, दा)
यो हप्ताको सुरुका दिनमा मनमा देखिने अस्थिरता अधैर्यताका कारण निर्णायक क्षमतामा कमी आउनेछ । नयाँ ठाउँमा आर्थिक लगानी गर्नु उपलब्धीमूलक हुँदैन । साताको मध्यबाट रमाइलो यात्रा गर्ने अवसर प्राप्त हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ ।

मीन (दि, दु, थ, झ, ञ, दे, दो, चा, चि)
यो साता एकपछि अर्को अवसर आउनाले मन प्रसन्न रहनेछ । भाग्यले विभिन्न अवसर जुराउनेछ । नयाँ काम वा रोजगारको अवसर मिल्नेछ । कुनै कुराले मनमा प्रसन्नता छाउनेछ । शेयर बजार र वाहनबाट लाभ पनि हुनेछ । मध्य सातामा विचार पुर्याएर निर्णय लिनु राम्रो होला ।

यो खबर पढेर तपाईलाई कस्तो महसुस भयो ?
Array
Like Reaction
Like Reaction
Like Reaction
Like Reaction
Like Reaction

Discussion about this post

छुटाउनु भयो कि ?

Related Posts

लोकप्रिय
ताजा अपडेट
Verified by MonsterInsights