ॐ सरस्वत्यायै नमः: यस दिन परेको छ श्रीपञ्चमी(वसन्त पञ्चमी), यस्ता कार्यले बुद्धिसँगै धन वृद्धि हुनेछ!

ज्योतिषशास्त्रका अनुसार वसन्त पञ्चमीका दिन ज्ञान विद्या, संगीत र कलाकी देवी माता सरस्वतीको जन्म भएको थियो। त्यसैले वसन्त पञ्चमी पर्व माघ शुक्ल पक्षको पञ्चमीका दिन मनाइन्छ। शास्त्रमा वसन्त पञ्चमीमा पहेँलो रंगको विशेष महत्त्व रहेको छ। यस दिन माता सरस्वतीको विधिपूर्वक पूजा गर्नाले ज्ञान र बुद्धिको आशीर्वाद प्राप्त हुने मान्यता रहेको छ।

ज्योतिषशास्त्रका अनुसार यस पटक वसन्त पञ्चमी पर्व माघ १२ गते परेको छ। शास्त्र अनुसार यस दिन पहेँलो रंगको विशेष प्रयोग गरिन्छ। यस दिन पहेँलो रङको प्रयोग गर्नाले माता सरस्वतीको कृपाले बुद्धि र धनको प्राप्ति हुने मान्यता रहेको छ।

वसन्त पञ्चमीको दिन गर्नुहोस् यस्ता उपाय: ज्योतिष शास्त्र अनुसार वसन्त पञ्चमीको दिन माता सरस्वतीलाई पहेँलो रंगको बर्फी वा लड्डु चढाउनुहोस्। यसपछि ७ जना केटीलाई यो प्रसाद बाँडिदिनुहोस् । यसबाट माता सरस्वतीसँगै माता लक्ष्मीको आशीर्वाद पनि प्राप्त हुन्छ।

यदि तपाईंको सन्तानको पढाइमा कमजोर छ वा पढाइमा मन लाग्दैन भने, केरा, दाल, पहेँलो कपडा, शिक्षासँग सम्बन्धित चीजहरू आदि कुनै गरिबलाई दान गर्नुहोस्। यसबाट माता सरस्वतीको कृपा मिल्छ।

जीवनमा सुख-समृद्धि प्राप्त गर्न र स्मरण शक्ति विकास गर्नको लागि वसन्त पञ्चमीमा पहेँलो रंगको वस्त्र धारण गर्नुहोस्। यसका साथमा दुई मुखी दीप प्रज्वलन गरी विश्वविजय सरस्वती कवच ​​पढ्नुहोस्।

वैवाहिक जीवनमा तनाव छ भने वसन्त पञ्चमीका दिन दूधमा बेसार मिसाएर देवी सरस्वतीलाई अभिषेक गर्नुहोस्। यसले व्यक्तिको बोलीमा मिठास ल्याउँछ।

वसन्त पञ्चमीको दिन माता सरस्वतीलाई प्रसादको रूपमा चामल चढाउनुहोस्। यसो गर्दा घरमा सुख शान्ति कायम रहन्छ। बोली नियन्त्रण गर्ने क्षमता बढ्छ र व्यक्तिको व्यक्तित्व चम्किलो हुन्छ।

यदि कुनै व्यक्तिलाई शिक्षामा कुनै प्रकारको बाधा परिरहेको छ भने वसन्त पञ्चमीको दिन देवी सरस्वतीलाई १०८ वटा पहेँलो फूल चढाउनुहोस्। यति मात्र नभई ‘ॐ सरस्वत्यायै नमः’ मन्त्रको मालाको जप गर्नाले समस्याबाट मुक्ति मिल्छ।

यो खबर पढेर तपाईलाई कस्तो महसुस भयो ?
Array
Like Reaction
Like Reaction
Like Reaction
Like Reaction
Like Reaction

Discussion about this post

छुटाउनु भयो कि ?

Related Posts

लोकप्रिय
ताजा अपडेट
Verified by MonsterInsights